Snert lifur mína himinborni Díonýsos

" Kristnum mönnum finnst jafnfráleitt að trúa á beljur Indverja, eins og Indverjum þykir skynsamlegt að vera ennþá að eta mann, sem dó fyrir 1900 árum."

Níels P. Dungal,
Prófessor í læknadeild og Háskólarektor, 1936-39.

Allir að spila Prime Shooter !

Tilgangur leiksins er að bomba frumþáttum talnanna í kassana áður en þeir lenda á botninum, algjör snilld.

Ég er hættur í verkfræði!
Næsta haust fer ég í stærðfræði með fjármálalínu og hlakka Fá-Ró mikið til.
Ég veit ekki afhverju það tók mig svo langan tíma að átta mig á þessu - frá því ég byrjaði í Háskólanum hef ég öfundað stærðfræðinemana fyrir skemmtilegri kúrsa, skemmtilegri stemningu og skemmtilegra fólk!

Ég og Grettir munum leiða saman hesta okkar í fyrsta sinn síðan í 5.bekk í MR , en hann ætlar að skipta um línu og skella sér í fjármálin. Ég sé ekki fram á annað en að við verðum fáránlega töff næsta haust í tvinnfó, algebru 1, greiningu 3 og einhverjum epískt góðum fjármálakúrs.

Svo eru sumarlán klárlega málið - ég þarf að taka upp tvo 1.árs viðskiptafræðikúrsa til að geta komið beint inná 2.árið, og svo einnig Mengi og firðrúm. Þrjúhundruð kettlingar beint í vasann þar...

Well, excuuu-uuuuuse me!
T.F. - Analrapist

Ég hugsaði það sama og flestir hinir: Ég vona að búið sé að klára tökur á nýju Batman-myndinni.

Uppfært:
Jújú, ég fór á IMDB og þar er statusinn "post-production" á Dark Knight (nýi Batman), svo þetta er seif. Megi Ledgerinn því hvíla í friði.

Fáir efast tónsmíðagáfur Paul McCartneys , en færri samþykkja að þær gáfur hafi náð hámarki sínu með laginu 'Maxwell's Silver Hammer'. Óskiljanlegt.

Ef ég gæti breytt nafninu á þessu bloggi, svona eftir á að hyggja, myndi ég neyðast til að nefna það 'grettirogdarri4months' , sem er um það bil sá tími sem sameiginlegt blogg okkar entist (búrummtssj).

Já, hið kaldhæðnislega eirðarleysi prófatarnanna er að kikka inn. Ekkert að gera, en samt fáránlega mikið fyrir stafni.

Pff...

Ég er haldinn þeirri skoðun, að heimur án trúarbragða sé betri heimur.



Afhverju finna trúleysingjar sig svo oft knúna til þess að verja skoðun sína gegn þeim trúuðu? Ætti þessu ekki að vera snúið öfugt? Er eðli þessa tveggja 'lífsviðhorfa' ekki svo það sé þeim trúuðu sem beri að verja sína skoðun?
Í stað þess að falla aftur og spila út mannréttinda-spjaldinu og segja: ,,Af því að það er réttur minn að vera trúlaus", hversvegna ekki sækja að andstæðingnum beint að rótinni og krefjast svara! Því undir venjulegum kringumstæðum, komi einhver með fullyrðingu þá ber honum að rökstyðja hana. Við höfum þetta að leiðarljósi t.d. í réttarsölum útum mestallan heim þar sem við rökstyðjum sekt og sakleysi, og afhverju þá ekki að hafa þetta að leiðarljósi þegar kemur að e-u jafnmikilvægu og "Hvernig varð heimurinn til?" ?
Ef við höldum okkur við réttarhalds-viðlíkinguna: Hvernig myndi þetta líta út ef þessi umræða yrði færð í réttarsal fyrir framan hlutlausan kviðdóm?
Eðlilegast væri að Trúaðir sætu í stól sakborningsins, enda þarf hann að verja sitt mál (þó þessu sé auðvitað ekki hagað svo í raunveruleikanum). Mér þykir það eðlilegast, því sama hvort horft er á það frá augum Trúleysingja eða Trúaðra, þá kom veröldin á undan trúarbrögðum, þ.e.a.s. fyrst kom veröldin, og svo komu mennirnir sem túlkuðu hana.
Hinir Trúlausu sitja í stóli stefnandans, þar sem að þeir vilja meina að veröldin sé eins og hún er, og gefi ekki til kynna að ekkert annað búi fyrir utan hana. Trúlausir krefjast þess að Trúaðir útskýri hversvegna þeir vilja halda öðru fram, og eiga því með réttu að gegna hlutverki stefnandans.

Og hefjast svo réttarhöldin.

Við sjáum 'stefnandann' færa fram sönnunargögn á sönnunargögn ofan. Vísindalega staðfest gögn sem stangast gróflega á við yfirlýsingar 'sakborningsins'. Við fáum fræðimenn allsstaðar að sem leggja fyrir okkur lögmál og kenningar sem með staðreyndum útskýra allt, gegnt því sem Trúaðir halda fram.
Og nú á verjandinn leik. Með hendur tómar vísar hann í gamlar skruddur, ímyndaða anda, guði og kraftaverk. Málflutningur verjandans er laus við rökfestu, og vonast hann einungis til þess að vinna kviðdóminn yfir á sitt band með hrífandi frásögnum af fornum atburðum. Og hann gerir það af tilfinningu, enda er tilfinning eina vopnið sem Trúaðir búa yfir.

Þessi leikur endurtekur sig í nokkur skipti, Trúlausir færa fram sönnunargögn A, B, ... , Z , en trúaðir hafa ekkert á milli handanna. Eftir margra daga réttarhöld fer kviðdómurinn inn í sitt herbergi og samræmir niðurstöður sínar. Að lokum les dómarinn úrskurðinn...

,,Saklaus" !

Þetta er einmitt málið! Ef kviðdómurinn er tákngervingur fyrir almenna hugsun, þá eru trúaðir dæmdir saklausir! Þrátt fyrir hrikalegan málflutning, og þrátt fyrir óyfirstíganlega mörg sönnunargögn sem benda til sektar, þá finnst kviðdómnum ekkert varhugavert við afstöðu Trúaðra!

En hvaða máli skiptir þetta? Hvaða máli skiptir það þótt einhver trúi því að Þór sé Þrumuguð sinn eða Jesú sé sonur Skaparans?
Ég vil meina að þetta risti mun dýpra en sem bara 'réttur hvers og eins'. Ef við ræktum ekki vísindalega hugsun, rökfærða afstöðu til alheimsins hjá hverjum hverjum og einum, þá erum við að grafa undan möguleikum mannsins til framfara.
Ég er ekki að segja "Bönnum trúarbrögð!" , heldur er ég að meina að með því að viðurkenna trúarbrögð sem alvöruskoðun á alheiminum, þá erum við að setja vísindi og bábiljur á sama stall. Ef almenn vitund væri sú að lógískt séð standast trúarbrögð ekki grannskoðun á nokkurn einasta hátt, þá værum við um leið að efla vísindalega hugsun, sem um leið eflir möguleika mannkyns!

Hættum því að afsaka skoðun okkar sem trúleysingjar, hættum að vera í vörn! Ef við breytum almennum hugsanahætti og höfum röksemd og vísindalega hugsun að leiðarljósi, munu trúarbrögð lognast út af sjálfu sér.
Þetta er ferli sem tekur sinn tíma, en ferlið er byrjað.

Kennarar Menntaskólans í Reykjavík eru flestir miklir karakterar. Ég finn að þeir eru þónokkrir sem ég mun seint gleyma, ef einhverntímann. Þetta eru kennarar eins og Birgir Guðjóns (stærðfræði), Knútur Hafsteins (íslenska) og Skarpi svarti (efnafræði - fékk þetta viðurnefni vegna yfirbragðs, ekki hörundslitar).
Minningar nemenda af kennurum Menntaskólans eru jafnmargar og þær eru mismunandi, en þó er einn kennari sem ber höfuð og herðar yfir aðra kennara hvað eftirminnugleika varðar - allur 6.Y '06 getur vottað fyrir það að sá kennari er enginn annar en Davíð Þorsteinsson; eðlisfræðikennari og lífsnautnaseggur með meiru.


Sögur herma að Davíð hafið fæðst í Keaton jakka.
Tveggja ára gamall gekk hann fyrst með Patek Philippe-úr og í leikskóla var hann eini krakkinn sem mætti með Hêrmes-regnhlíf í stað pollagallans.
Davíð gengur í sérsmíðuðum skóm af því hann getur það, og á ekki bíl vegna þess að hann býr í einbýlishúsi í Þingholtunum - hvert ætti hann svosem að keyra?
Samskipti hans við konur er "legen-dary", og eiga stelpurnar í 6.Y eflaust öðruvísi minningar af Davíð heldur en við strákarnir.

Hér koma valin gullkorn sem hrundu af vörum Davíðs Þorsteinssonar:

• Þetta er hafið yfir það að vera formúla, þetta er nýtt menningarstig!
• Mín kennsla er fyrst og fremst mér til skemmtunar.
• Ef eitthvað er of erfitt, sleppið því.
• Það er greinilegt að þið kunnið þetta. Þið hafið öll lesið heima, kvikindin ykkar!
• Ég hef á tilfinningunni að ég sé eitthvað að rugla.
• Það er samt áhyggjuefni ef það verður mánuður eftir í kaffihúsarölt og bjórdrykkju.
• Þarna er kvennadæmi! Magga fer í ferð með Siggu....
• Það er eins og þú færir til úrsmiðs að láta gera við úrið og úrsmiðurinn segði: Er ekki best að leysa það upp í saltsýru?
• Stefnan í lærða skólanum er áfram og aðeins upp á við.
• Nemandi: Hvað eigum við að gera í seinni tímanum? DÞ: Tala um KVIKMYNDIR!

Davíð hikaði ekki við að sóa heilum tíma í umræður um regnhlífar og trefla, ef stemningin var nógu og góð. Eftir tvö ár með Davíð sem kennara, var 6.Y orðinn þaulreyndur um hátísku miðaldra karla í tilvistarkreppu, og getur enn þann dag í dag spottað Hêrmes-bindi úr mílu fjarlægð.
Að lokum er svo eitt komment frá Davíð sem mun sitja eftir í öllum þeim sem setið hafa tíma hjá honum:

Enska heitið yfir fiðrildi, Butterfly, var áður Flutterby, sem meikar miklu meira sens.

Flokkar: Ég er sko EKKI að djóka

Ef þú ert hómófóbískur, ekki fara inn á karókí-bar.

Köben er æði...

Eins og sjá má, verður haustönnin í DTU afburðaskemmtileg:

General Chemistry (mjög slakur kúrs reyndar, en skyldufag)

Time Series Analysis

Partial Differential Equations with Fourier Analysis

Applied Mechatronics

Introduction to Matlab

Engineering and Physiology

------------------------------------

Ég er spenntur...

Ég er fluttur til Danmerkur...

Mér finnst eins og manni ber skylda til þess að blogga um þetta.

Allavega, þá bý ég hress og kátur í H.C. Örstedsvej 9, 1879 Frederiksberg, ásamt sambýlismönnum mínum; Gunnari og Björgvin (Björgvini?).
Frederiksberg er ákveðinn götuklasi innan Kaupmannahafnar þar sem allt er fínna og fallegra, enda má hæglega sjá á götudrasli einu saman hvenær maður er ekki lengur í Frederiksberg - það mætti nánast éta upp af götunum.

Skólinn er geðveikur. Alla síðastliðna viku var kynningarprógram fyrir nýnema. Vikan klímaxaði svo á sama hátt og í raun flestallar vikur gera, þ.e. með partíi á föstudeginum.
Það vantaði ekki hinn ligeglad Dana, sem oftar en einu sinni og oftar en tvisvar tókst að gefa mér ligeglad aulahroll með því að bösta freestyle-vísur on the spot með öllu tilheyrandi. Þetta var samt pínulítið krúttlegt.
Þess má geta að ég er í fríi í skólanum á mánudögum. Það hefur verið minn draumur frá því ég hóf skólagöngu að eiga alltaf einn frídag (ef frá er taldar þær tæpu 3 annir sem ég var utanskóla í MR!) í miðri viku.

Hvað drykkju varðar, þá hef ég lítið sem ekkert drukkið, sem kemur mér mjög á óvart. Ég hef einfaldlega ekki verið í drykkjustuði, og undanfarið langað meira til þess að slaka bara á og koma mér almennilega fyrir í íbúðinni.
Kannski er dreginn úr mér allur djammmáttur því ég sakna hennar Unu Helgu.

Þetta gengur samt ekki, ég þarf að herða mig ef ég á að standa undir nafni sem Íslendingur í Kaupmannahöfn...

Annars mun ég svo láta það ráðast hvort ég verði 1 eða 2 annir í Kaupmannahöfn. Maður hefur tilfinningar hingað og þangað um eitt og annað, svo aldrei er að vita hvað gerist. Eins og staðan er núna, þá er stefnan 2 annir.

Að lokum vil ég svo hvetja alla til þess að hætta að trúa á Guð, eða önnur æðri máttarvöld. Nákvæmlega ekkert hefur nokkurn tímann gefið neina vísbendingu um að slíkur skáldskapur sé til, á meðan vísindi hafa hrúgað upp ótal staðreyndum, sem gefa annað til kynna. Hættum að minnsta kosti að kenna börnum okkar trúarbrögð - kennum þeim vísindalega hugsun.
Álfar, tröll og Guð eiga ekki heima á 21.öldinni...